समाचार सोमबार, कात्तिक २५, २०७६

कालापानी समस्या अन्तर्राष्ट्रियकरण गर्ने बेला भएको छैनः दाहाल

हिमालखबर

नेपाल कम्युनिष्ट पार्टी (नेकपा)का अध्यक्ष पुष्पकमल दाहालले कालापानी समस्या अहिले नै अन्तर्राष्ट्रियकरण गर्ने समय भइनसकेको बताएका छन् ।

संसदको राज्य व्यवस्था तथा सुशासन समितिको बैठकमा अध्यक्ष दाहालले नेपाल र भारतको समस्या आपसी छलफल र सम्वादबाट हल गर्नुपर्ने बताए । दाहालले कालापानी समस्या उत्तेजना फैलाएर समाधान हुन नसक्ने तर्क गरेका छन् ।

तर, नेपालले आफ्नो भूमि एक इन्च पनि नछोड्ने उनले बताए । भारतले सार्वजनिक गरेको नक्सामा नेपालको भूमि मिचिएको बारे कुटनैतिक तवरबाट समाधान खोज्नुपर्ने उनले बताए ।

जम्मु–कश्मीर सहित १ नोभेम्बरमा भारतले सार्वजनिक गरेको नक्सामा नेपालको लिम्पियाधुरा, कालापानी र लिपुलेक अतिक्रमण गरे पछि नेपालका विरोध चर्किएको छ ।

यसबारे छलफल गर्न राज्य व्यवस्था समितिले बैठक बोलाएको छ । तर, बैठकमा प्रधानमन्त्री केपी शर्मा ओली भने अनुपस्थित छन् ।

याे पनि

कालापानी सुल्झाउने सही बेला

सीमा विवाद सधैंका लागि सल्टाऊ

बल्झिरहने कालापानी

“लिम्पियाधुरा (कालापानी) नेपालकै हो, भारतले झेल गर्‍यो”

सीमा मिचेको विरोधमा वीरगञ्जमा अनेरास्ववियूकाे प्रदर्शन ( भिडियाे सहित)

सडकमा विद्यार्थीको नारा: 'लिम्पियाधुरासम्मै हाम्रो हो' (तस्वीरहरु)

भारतीय कदम विरुद्ध आन्दोलन चर्काउन सभापति देउवाको निर्देशन

 

 

प्रतिकृया दिनुहोस