कला/साहित्य बुधबार, वैशाख १७, २०७७

बन्दाबन्दीमा पर्यटन बोर्डको फोटो प्रतियोगिता, झ्यालबाट देखिने दृश्यमा प्रतिस्पर्धा

हिमालखबर

बन्दाबन्दीमा पर्यटन बोर्डको फोटो प्रतियोगिता, झ्यालबाट देखिने दृश्यमा प्रतिस्पर्धा
बन्दाबन्दीमा घर बसाइको समयलाई सृजनात्मक बनाउन नेपाल पर्यटन बोर्डले फोटो प्रतियोगिताको आयोजना गरेको छ । हरके व्यक्तिले आफ्नो ठाउँलाई प्रचार गर्ने उद्देश्यका साथ बोर्डले झ्यालबाट देखिने सुन्दर दृश्यको फोटो प्रतियोगिता आयोजना गरेको हो ।
 
प्रतियोगितामा नेपालका जुनसुकै ठाउँको प्राकृतिक सौन्दर्य, संस्कृति, पर्यटन गतिविधिसहितका तस्बिरहरू अनलाइनबाट पठाउन सकिने व्यवस्था गरिएको छ । बोर्डले औपचारिक रुपमा मंगलबारबाट सुरु गरेको यो प्रतियोगितामा सहभागिले आगामी १८ जेष्ठसम्म फोटो पठानुपर्ने छ ।
 
बोर्डको फोटो अभियानको साइट फोटो नेपाल डट ट्राभलमार्फत प्रतियोगितामा सहभागि हुन सकिने बोर्डले बोर्डले जानकारी दिएको छ । प्रतियोगिताका उत्कृष्ट पाँच सहभागीले जनही रु.१० हजार नगद पुरस्कार पाउने बोर्डको भनाइ छ ।
 
बोर्डका प्रमुख कार्यकारी अधिकृत (सीईओ) डा.धनञ्जय रेग्मीले फोटो प्रतियोगिताले नेपालको कुना काप्चामा खिचिएको फोटो प्रदर्शनी हुने, छलफल गर्ने र फोटोमार्फत देशको पर्यटन प्रवद्र्धन गर्ने साझा अभियान सुरु हुने बताए ।
 
रेग्मीका अनुसार बोर्डले चार वर्ष अघिदेखि फोटोको माध्यमबाट देशको पर्यटन प्रवद्र्धन गर्दै आएको छ । सो अभियानलाई भने यो पटक बन्दाबन्दीकै बीचमा पनि अगाडि बढाइएको उल्लेख छ ।
 
फोटो नेपाल फेब्रुअरी २०१६ मा टोनी हेगनको फोटो प्रदर्शनीसँगै सुरु भएको हो । बोर्डको यो प्रयासले नियमित अभियानको रूप लिँदा देश चिनाउने फोटो प्रदर्शनी चार वर्षदेखि निरन्तर रूपमा भइरहेको छ ।
 
यस अभियानलाई अझ ब्यापक बनाउनफोटो नेपाल डट ट्राभल सुरु गरिएको हो । हाल यसमा दुई हजार बढी सदस्यका २० हजार फोटो संग्रहित छन् ।
 
 
 
 
 

प्रतिकृया दिनुहोस