आज थपिए ८५२ कोरोना संक्रमित
केही सातादेखि उकालो लाग्दै आएको कोभिड–१९ संक्रमितको संख्या आज पनि बढेको छ।
स्वास्थ्य तथा जनसंख्या मन्त्रालयका अनुसार, आज ६ हजार ३८३ नमूना परीक्षण गर्दा ८५२ जनामा कोरोना देखिएको छ। मंगलबार पाँच हजार ६१९ नमूना परीक्षण गर्दा ८४८ जनामा कोरोना पुष्टि भएको थियो।
आज तीन हजार ८७६ जनाको पीसीआर परीक्षण गर्दा ५३१ जनामा र दुई हजार ५०७ जनाको एन्टिजेन परीक्षण गर्दा ३२१ जनामा कोरोना पुष्टि भएको छ।
पछिल्लो २४ घण्टामा ३२८ जना निको भएका छन्। योसँगै देशभर सक्रिय संक्रमितको संख्या पाँच हजार ४६२ पुगेको छ।
