परीक्षण घट्दा पनि ६६० सङ्क्रमित थपिए, एकको मृत्यु
कोभिड–१९ को परीक्षण घट्दा पनि आज ६६० जनामा सङ्क्रमण देखिएको छ भने एक जनाको मृत्यु भएको छ।
स्वास्थ्य तथा जनसङ्ख्या मन्त्रालयका अनुसार, आज चार हजार ६८२ स्वाब परीक्षण गर्दा ६६० जनामा कोरोना पुष्टि भएको हो।
शुक्रबार ६ हजार ४९१ जनाको स्वाब परीक्षण गरिएको थियो। जसमध्ये ९१२ जनामा सङ्क्रमण देखिएको थियो।
आज एक हजार ९४२ जनाको पीसीआर परीक्षण गर्दा ३२६ जनामा र दुई हजार ७४० जनाको एन्टिजेन परीक्षण गर्दा ३३४ जनामा कोरोना देखिएको हो।
त्यस्तै, कोरोना सङ्क्रमणबाट एक जनाको मृत्यु भएको छ। योसँगै मृत्यु हुनेको सङ्ख्या ११ हजार ९७१ पुगेको छ।
पछिल्लो २४ घण्टामा ४४४ जना निको भएका छन्। देशभर सक्रिय सङ्क्रमितको सङ्ख्या पाँच हजार ६४१ पुगेको छ।
-1725690060.jpg)
