नर्सिङ, एचए र फार्मेसीको शुल्क बढ्यो, कसको कति?

प्राविधिक शिक्षा तथा व्यावसायिक तालीम परिषद् (सीटीईभीटी)ले नर्सिङ, सामान्य चिकित्सा (एचए) र फार्मेसीको अध्ययन शुल्क बढाएको छ।

नयाँ शैक्षिक सत्रदेखि लागू हुने गरी शुल्क बढाइएको सीटीईभीटीले जनाएको छ। सीटीईभीटीले जारी गरेको सूचनामा लामो समयदेखि शुल्क यथावत् रहेकाले बढाउनुपरेको जनाएको छ।

अब नर्सिङ पढ्ने विद्यार्थीले तीन वर्षमा ६ लाख २४ हजार २३० रुपैयाँ पढाइ शुल्क तिर्नुपर्नेछ। यसअघि नर्सिङको पढाइ शुल्क चार लाख ७५ हजार थियो।

त्यस्तै, एचएका विद्यार्थीले पाँच लाख २३ हजार ८२० शुल्क तिर्नुपर्नेछ। यसअघि भने एचएका लागि चार लाख चार हजार शुल्क थियो।

यसैगरी, फार्मेसीका विद्यार्थीले तीन वर्षमा चार लाख २३ हजार ६६० रुपैयाँ शुल्क तिर्नुपर्नेछ। यसअघि फार्मेसीको शुल्क तीन लाख ३७ हजार रहेको थियो।