कक्षा १२ को नतीजा सार्वजनिक, दुई लाख उत्तीर्ण

शिक्षा

कक्षा १२ को नतीजा सार्वजनिक, दुई लाख उत्तीर्ण

हिमालखबर शुक्रबार, साउन १८, २०८१

राष्ट्रिय परीक्षा बोर्डले कक्षा १२ को परीक्षाको नतीजा सार्वजनिक गरेको छ।

शुक्रबार सार्वजनिक गरिएको नतीजा अनुसार कक्षा १२ मा दुई लाख तीन हजार ८४७ विद्यार्थी उत्तीर्ण भएका छन्। करीब ५२ प्रतिशत विद्यार्थी उत्तीर्ण भएका हुन्।

त्यस्तै, एक लाख ८७ हजार विद्यार्थी ‘ननग्रेडेड’ भएका छन्। यस वर्ष तीन लाख ९० हजार ८६८ विद्यार्थी परीक्षामा सहभागी भएका थिए।

बोर्डका अनुसार २.४१ देखि २.८० जीपीए प्राप्त गर्ने विद्यार्थीको संख्या ६१ हजार ३६ छ।त्यस्तै, २.८१ देखि ३.२० जीपीए प्राप्त गर्ने विद्यार्थी ७८ हजार ७५ छन्। ३.२१ देखि ३.६० जीपीए प्राप्त गर्ने ४६ हजार ८९३ विद्यार्थी छन्।

यसैगरी, सबैभन्दा माथिल्लो ३.६१ देखि ४ जीपीए ल्याउने नौ हजार ५९१ विद्यार्थी मात्रै छन्। यस्तै, २.४१ देखि २.८० जीपीए ल्याउने ६१ हजार ३६ विद्यार्थी, २.१ देखि २.४० जीपीए ल्याउने आठ हजार २४० र १.६१ देखि २ जीपीए ल्याउने १२ विद्यार्थी छन्।