मदन भण्डारी मेमोरियल कलेजमा आइडिया-एक्स प्रतियोगिता हुँदै

शिक्षा

मदन भण्डारी मेमोरियल कलेजमा आइडिया-एक्स प्रतियोगिता हुँदै

हिमालखबर बिहीबार, असोज १०, २०८१

मदन भण्डारी मेमोरियल कलेजले आयोजना गर्न लागेको ह्याकाथन प्रतियोगिता ‘एमबीएमसी आइडिया एक्स, २०२४’ शुक्रबारदेखि शुरू हुँदै छ।

खोज तथा अन्वेषण गर्ने बानीको विकास र सहकार्य विस्तार गर्ने उद्देश्यले ह्याकाथन आयोजना गर्न लागिएको कलेज प्रमुख डा. बाबुराम अधिकारीले बताए। असोज ११ देखि १३ गतेसम्म सञ्चालन हुने प्रतियोगितामा नेपाल र भारतका १२५ विद्यार्थी सहभागी हुनेछन्।

भारतबाट सात टोली र नेपालबाट २३ टोलीले प्रतिस्पर्धा गर्ने कलेज प्रमुख अधिकारीले जानकारी दिए। प्रतियोगिता मार्फत वातावरण प्रविधि, स्वास्थ्य, साइबर सुरक्षा, पर्यटन, वित्तीय र कृषि प्रविधि लगायत विधामा आधारित नयाँ खोज तथा अन्वेषण गर्ने प्रतिभालाई उजागर गरिने उनको भनाइ छ।

प्रतियोगितामा उत्कृष्ट समूहलाई ५० हजार रुपैयाँ पुरस्कार प्रदान गरिनेछ। त्यस्तै, विधागत ६ वटा समूहका विजेतालाई १० हजार रुपैयाँ पुरस्कार प्रदान गरिने कलेजले जनाएको छ।

प्रतियोगिताको यो दोस्रो संस्करण हो। पहिलो संस्करण गत वर्ष २०८० असोज १९ देखि २१ गतेसम्म चलेको थियो।