लिदी पहिरोमा मृत्यु हुनेको संख्या २९ पुग्यो
सिन्धुपाल्चोकको जुगल गाउँपालिका–२ लिदीमा शुक्रबार गएको पहिरामा पुरिएर मृत्यु हुनेको सङ्ख्या २९ पुगेको छ। आज पाँच जनाको शव फेला परेको प्रहरीले जनाएको छ।
१८ वर्षीया ललिता दोङ, ४२ वर्षीया बिबीरानी दोङ, पाँच वर्षीय सानुकान्छा दोङ र ४४ वर्षीय हीराबहादुर दोङको शव फेला परेको इलाका प्रहरी कार्यालय जलवीरेका प्रहरी निरीक्षक हरि भट्टराईले बताए।
पहिरामा बेपत्ता १० जनाको नेपाली सेना, नेपाल प्रहरी र सशस्त्र प्रहरी बलद्वारा खोजी भइरहेको प्रहरीले जनाएको छ।
एक महीनाअघिको अविरल वर्षाका कारण बस्ती माथिको पहाड भाँसिएको थियो। त्यसपछि रातभर नजिकैको डाडाँमा बस्ने गरेपनि बिहान मेलापात गर्न गाउँ जानेहरु पहिरोमा पुरिएका थिए।
-1733989667.jpg)
-1732855345.JPG)