समाचार आइतबार, कात्तिक १७, २०७६

मन्त्रिपरिषद बैठक अघि शिक्षण अस्पतालमा प्रधानमन्त्रीको स्वास्थ्य परीक्षण

हिमालखबर

ग्राण्डी अस्पतालमा तेस्रो पटक डायलासिस गर्न लागेका प्रधानमन्त्री केपी शर्मा ओलीले त्रिवि शिक्षण अस्पतालमा स्वास्थ्य परीक्षण गराएका छन् ।

शिक्षण अस्पतालमा प्रधानमन्त्री ओलीले फोक्सोमा जम्मा भएको पानीको अवस्थाबारे जानकारी लिएका हुन् । शिक्षण अस्पतालबाट फर्किए पछि मन्त्रिपरिषद बैठक शुरु भएको छ । बैठक पछि प्रधानमन्त्री डायालासिसका लागि ग्राण्डी अस्पताल जाने तयारी भएको छ ।

मन्त्रिपरिषद बैठक र स्वास्थ्य उपचारका कारण आइतबार बस्ने भनिएको नेपाल कम्युनिष्ट पार्टी (नेकपा)को सचिवालय बैठक भने अनिश्चित भएको छ ।

आगामी १४ मंसीरमा हुने उपनिर्वाचनका लागि उम्मेद्वार तय गर्न नेकपाको सचिवालय बैठक बोलाइएको छ ।

प्रतिकृया दिनुहोस