थप समाचार बुधबार, जेठ ७, २०७७

२५ मेदेखि भारतले आन्तरिक हवाई सेवा शुरु गर्ने

हिमालखबर

२५ मेदेखि भारतले आन्तरिक हवाई सेवा शुरु गर्ने

बन्दाबन्दीका बीच भारतले आन्तरिक हवाई सेवा शुरु गर्ने भएको छ ।

२५ मे देखि चरणबद्ध रुपमा आन्तरिक हवाई सेवा शुरु गरिने जानकारी भारतीय नागरिक उड्डयन मन्त्री हरदीप सिंह पुरीले ट्विट मार्फत दिएका हुन् ।

भारतमा कोरोनाभाइरस महामारीको संकट बढिरहेको वेला भारतले हवाई सेवा सञ्चालन गर्ने निर्णय गरेको हो ।

यससँगै भारतले रेल सेवा पनि चरणबद्ध रुपमा सञ्चालन गरेको छ । मंगलबार मात्र भारतले २०४ वटा रेल सञ्चालन गरेको थियो ।

मन्त्री पुरीले भने, “२५ मेदेखि चरणबद्ध रुपमा हवाई सेवा शुरु गरिनेछ । यसका लागि सबै विमानस्थल र विमान कम्पनीहरु तयार रहनू ।”

भारतले २५ मार्चदेखि बन्दाबन्दी शुरु गरेपछि हवाई यातायात लगायत सबै सेवा बन्द गरेको थियो ।

भारतमा कोरोनाभाइरस संक्रमितको संख्या बढेर १,०६७५० लाख पुगेको छ भने मृतकको संख्या बुधबारसम्म ३३०३ पुगेको छ ।

बितेको २४ घण्टामा भारतमा संक्रमितको संख्या अहिलेसम्मकै बढी ५६११ जना रहेको छ । २४ घण्टामा मृतकको संख्या १४० जना रहेका छन् ।

– एजेन्सीबाट

 

प्रतिकृया दिनुहोस