समाचार बुधबार, चैत १९, २०७६

तिलोत्तमा नगरपालिकाको नयाँ सूत्र, विदेशबाट आउनेका घरमा स्टिकर

हिमालखबर

तिलोत्तमा नगरपालिकाको नयाँ सूत्र, विदेशबाट आउनेका घरमा स्टिकर

रुपन्देहीको तिलोत्तमा नगरपालिकाले देश बाहिरबाट आएका नागरिकको घरमा स्टिकर लगाएर निगरानी गर्ने व्यवस्था गरेको छ ।

नेपाल भन्दा बाहिरबाट आएका नागरिक निगरानी गर्न घरमा स्टिकर टाँसेर होम क्वारेन्टाइनमा राखेको राखिएको तिलोत्तमा नगरपालिकाका मेयर बासुदेव घिमिरेले बताए ।

उनका अनुसार, भारत लगायत विभिन्न मुलुकबाट आएका मानिस अरुसँग घुलमिल नहोउन र छरछिमेकलाई पनि पहिचान गर्न सजिलो होस् भनी यस्तो अभियान चलाइएको मेयर घिमिरेले बताए ।

नगरपालिकाका अनुसार, मंगलबारसम्म बाहिरबाट आएका १९९ जनाको घरमा स्टिकर लगाइएको छ । हरेक टोलमा गठन गरिएका टोल विकास संस्थाले आफ्नो टोलमा प्रवेश गर्ने व्यक्तिबारे वडाध्यक्षलाई जानकारी गराउँछन् । त्यसपछि नगरापलिकाबाट खटिएको टोलीले परिवारसँग अलग बस्ने व्यवस्था मिलाएर सम्बन्धित व्यक्तिको घरमा स्टिकर लगाइन्छ ।

नगरपालिकाले भारत लगायत तेस्रो मुलुकबाट आएका ३१ जनालाई भने नगरपालिकाले स्थापना गरेको क्वारेन्टाइनमा राखिएको छ । उक्त क्वारेन्टाइनमा चितवन, बर्दिया, झापा लगायत जिल्ला बाहिरका व्यक्तिहरु समेत रहेका छन् ।

प्रतिकृया दिनुहोस