समाचार आइतबार, चैत ९, २०७६

सप्तरीमा कोरोना रोकथाम गर्न चार अस्थायी अस्पताल सञ्चालनको तयारी

रासस

सप्तरीमा कोरोना रोकथाम गर्न चार अस्थायी अस्पताल सञ्चालनको तयारी

कोरोना भाइरसको सम्भावित जोखिमलाई ध्यान दिँदै सप्तरीको चार स्थानमा ‘कोरोना व्यवस्थापन अस्थायी अस्पताल’ सञ्चालन गर्ने तयारी गरिएको छ ।

प्रमुख जिल्ला अधिकारी सुनिल खनालको अध्यक्षतामा बसेको उच्च स्तरीय समितिको बैठकले राजविराजस्थित गजेन्द्रनारायण सिंह अस्पताल, छिन्नमस्ता मेडिकल कलेज एण्ड अस्पताल, साई कृष्णा शिक्षण अस्पताल र युनिक अस्पतालमा अस्थायी अस्पताल सञ्चालन गर्ने निर्णय गरेको छ । ती अस्पतालमा आइसोलेसन कक्ष निर्माण गर्न तयारी गरिएको जनाइएको छ ।

हनुमानगर रोडमा बन्द रहेको साई कृष्णा शिक्षण अस्पतालमा आवश्यक उपकरण जडान गरी क्वारेन्टाइन कक्ष सञ्चालनमा ल्याउने बैठकले निर्णय गरेको राजविराज नगरप्रमुख शम्भुप्रसाद यादवले बताए ।

प्रतिकृया दिनुहोस