थप समाचार सोमबार, फागुन ५, २०७६

अमेरिका जान भिसा प्रोसेसका लागि बैंक ब्यालेन्स देखाउन भन्दै ६० लाख रुपैयाँ ठगी

हिमालखबर

अमेरिका जान भिसा प्रोसेसका लागि बैंक ब्यालेन्स देखाउन भन्दै  ६० लाख रुपैयाँ ठगी
फाइल तस्वीर

प्रहरीले अमेरिका जान भिसा प्रोसेसका लागि बैंक ब्यालेन्स देखाउन भन्दै ६० लाख रुपैयाँ ठगी गरेको अभियोगमा २ जनालाई भक्तपुर ठिमीबाट आइतबार बेलुका पक्राउ गरेको छ ।

पक्राउ पर्नेहरुमा बागलुङ, बागलुङ नगरपालिका-२ पयुंपाटा कुँवर टोलका ३४ वर्षीय रामचन्द्र कुँवर र काभ्रेपलाञ्चोक चौरे देउरालीका ३४ वर्षीय गणेश लामा छन् ।

काठमाडौं तार्केश्‍वर नगरपालिका–२ बस्ने नुवाकोटकी महिलालाई कुँवरले अमेरिका जानको लागि बैंक ब्यालेन्स देखाउनुपर्ने भन्दै विभिन्न प्रलोभनमा पारी आफ्नो बैंकका खातामा
६० लाख रुपैयाँ राख्न लगाएका थिए ।  

उनले रकम राखेको भोलीपल्ट बैंकका विभिन्न शाखाबाट नक्कली कागजपत्र र नक्कली सवारी चालक अनुमतीपत्र राखी रकम निकालेर सम्पर्क विहिन भएका थिए ।

दुबैलाई महानगरीय अपराध महाशाखा टेकुबाट खटिएको प्रहरीले पक्राउ गरेको हो ।

महाशाखाका अनुसार अन्य ३ जना समेतबाट ७० लाख रुपैयाँ लिई ठगी गरेको प्रारम्भिक अनुसन्धानबाट खुलेको छ। यस सम्बन्धमा थप अनुसन्धान भइरहेको महाशाखाले जनाएको छ।

प्रतिकृया दिनुहोस