समाचार बुधबार, माघ १, २०७६

श्री एयरलाइन्सले बुधबारदेखि जनकपुर उडान गर्ने

हिमालखबर

श्री एयरलाइन्सले बुधबारदेखि जनकपुर उडान गर्ने

निजी क्षेत्रको वायुसेवा प्रदायक कम्पनी श्री एयरलाइन्सले आजदेखि जनकपुरमा नियमित उडान शुरु गर्ने भएको छ ।

श्रीले केही महिनाअघि भित्र्याएको नयाँ टर्बोप्रोप क्यु–४०० जहाजमार्फत जनकपुर उडान गर्न लागेको कम्पनीका संस्थागत प्रबन्धक अनिल मानन्धरले बताए ।

उडान भर्न श्रीएयरलाइन्सले गत १५ मंसीरमा जनकपुर र सिमरामा परीक्षण उडान गरेको थियो । श्रीले अहिले भद्रपुर, विराटनगर, भैरहवा, नेपालगञ्ज र धनगढीमा उडान भर्दै आएको छ ।

कम्पनीले निकट समयभित्रै सिमरा र पोखरामा पनि उडान भर्ने तयारी गरेको छ । श्री एयरलाइन्ससँग सिआरजे २०० र दुई सिआरजे ७०० गरी पाँच जहाज छन् । एयरलाइन्सले सन् २०१७ देखि फिक्स्ड विङबाट नियमित उडान शुरु गरेको थियो ।

प्रतिकृया दिनुहोस