समाचार विहीबार, साउन २०, २०७३

हुम्लामा विमान दुर्घटना, दुई चालक घाइते

हिमालखबर


मकालु एयरको विमान हुम्लामा दुर्घटना हुँदा विमान चालक साङ्गे लामा र प्रशान्त शाह गम्भीर घाइते भएका छन् । 

हुम्लाबाट सुर्खेत जाँदै गरेको मकालु एयरको विमान अपराह्न ३:३० बजे सिमीकोट गाविसको राउटेराना भन्ने स्थानमा नदी किनारमा खसेको थियो। सिंगल इन्जिन विमानको इन्जिनमा खराबी आएपछि फोर्स ल्याण्डिङ गर्ने क्रममा दुर्घटना भएको हो । 

विमान नदीमा खसे पनि चालकद्वय लामा र शाह भने बाँच्न सफल भएका छन् । दुवैलाई सिम्रिक हेलिकम्पटरबाट उद्धार गरी सिमीकोट अस्पतालमा उपचार भइरहेको छ । विमान हुम्लामा सामान पुर्‍याएर रित्तै फर्किरहेको थियो । 

दुर्घटनाको विस्तृत विवरण आउन बाँकी छ ।

रासस 

प्रतिकृया दिनुहोस