खेलकुद सोमबार, मंसिर २, २०७६

पूर्व कप्तान पारस सहित एकै पटक सात नेपाली खेलाडी पीएसएलको ड्राफ्टमा

हिमालखबर

पूर्व कप्तान पारस खड्का सहित सात जना नेपाली क्रिकेटर पाकिस्तान सुपर लिग (पीएसएल)को ड्राफ्टमा परेका छन् ।

सातै जना सिल्भर क्याटागोरी (विदेशी)मा परेका हुन् । नेपालका पूर्व कप्तान पारस खड्का, उपकप्तान दीपेन्द्रसिंह ऐरी, ब्याट्सम्यानहरु विनोद भण्डारी, आरिफ शेख, रोहितकुमार पौडेल, शरद भेषवाकर र बलर सोमपाल कामी ड्राफ्टमा परेका हुन् ।

तर, नेपाल क्रिकेट संघ (क्यान)ले सिफारिस गरेका करण केसी, पवन सर्राफ र ललितनारायण राजवंशी भने ड्राफ्टमा परेनन् । क्यानले सिफारिस गरेको पाँच खेलाडी मध्ये आरिफ शेख र विनोद भण्डारी भने ड्राफ्टमा परेका छन् ।

सिल्भर क्याटागोरीमा छनोट हुने खेलाडी १५ देखि ३५ हजार डलर पारिश्रमिक पाउनेछन् । नेपालका सन्दीप लामिछाने भने यस अगाडि नै ड्राफ्टमा परिसकेका छन् ।

सन्दीप प्लाटिनम क्याटागोरीमा परेका छन् । यो क्याटागोरी अन्तर्गत सन्दीप छनोट भए लाख ४७ हजार देखि २ लाख १८ हजार डलरसम्म पारिश्रमिक पाउनेछन् । सन्दीपले अघिल्लो सिजनमा समेत पीएसएल खेलिसकेका छन् ।

 

प्रतिकृया दिनुहोस