एमालेका विष्णु पौडेलले लिए अग्रता
![एमालेका विष्णु पौडेलले लिए अग्रता](https://www.himalkhabar.com/uploads/posts/800X600/Finance-Miniter-Bishnu-Paudel_1622362291.jpg)
रुपन्देही-२ मा नेकपा (एमाले) उपाध्यक्ष विष्णु पौडेलले अग्रता लिएका छन्।
पौडेलले पाँच हजार ३११ मत प्राप्त गरेका छन्। राष्ट्रिय स्वतन्त्र पार्टीका गणेश पौडेलले पाँच हजार १३६ मत ल्याएका छन्।
शुरूदेखि नै अग्रता लिएका स्वतन्त्र पार्टीका उम्मेदवार गणेशलाई एमालेका उम्मेदवार विष्णुले झिनो मतान्तरले उछिनेका हुन्।
राष्ट्रिय जनमुक्ति पार्टीका कार्यकारी अध्यक्ष केशवबहादुर थापा मगरले चार हजार ४६ मत पाएका छन्। उनलाई सत्ता गठबन्धनको समर्थन छ।
यो क्षेत्रमा ८१ हजार मत खसेकोमा १६ हजार ३४५ मत गणना भएको निर्वाचन अधिकृतको कार्यालयले जनाएको छ।