नागढुंगादेखि कलंकीसम्मको मुख्य सडकमा ६७ वटा सीसी क्यामरा जडान
![नागढुंगादेखि कलंकीसम्मको मुख्य सडकमा ६७ वटा सीसी क्यामरा जडान](https://www.himalkhabar.com/uploads/posts/800X600/cc_camera_handover_(7)_1606484159.jpg)
नागढुंगा-कलंकी सडकखण्डअन्तर्गत जडान गरिएको सीसी क्यामरा प्रहरीलाई हस्तान्तरण गरिएको छ। चन्द्रागिरी नगरपालिकाको आर्थिक सहयोगमा जडान भएका उच्च प्रविधिका सीसी क्यामराको आज उद्घाटन गरी प्रहरीलाई हस्तान्तरण गरिएको हो।
काठमाडौं उपत्यकाको मुख्य प्रवेशद्वारका रुपमा रहेको नागढुंगाबाट कलंकीसम्मको सडकखण्डमा सीसी क्यामरा जडान भएका छन्। शान्ति सुरक्षालाई चुस्तदुरुस्त राख्न, ट्राफिक नियमको उलंघन गर्नेलाई कारवाहीको दायरामा ल्याउन सीसी क्यामरा जडान गरिएको हो। राजमार्ग क्षेत्रमा हुने अपराधिक गतिविधि नियन्त्रणमा सीसी क्यामराले सहयोग गर्ने विश्वास लिइएको छ।
सीसी क्यामराको उद्घाटनपछि महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक विश्वराज पोखरेलले उपत्यका प्रवेश गर्ने मुख्य नाकामा सीसी क्यामरा जडान हुनु मानव सभ्यता, विकास र समृद्धिको प्रतिक भएको बताए। नगरपालिकाले छाटो समयमा सिसी क्यामरा जडान गरेपछि सडक सुरक्षा र अन्य आपराधिक गतिविधिलाई नियन्त्रण गर्न सहयोग पुग्ने विश्वास उनले व्यक्त गरे।
नगरपालिकाले एक करोडको लागतमा सीसी क्यामरा जडान गरेको हो। नगरपालिकाको वडा नं २ नागढुंगादेखि वडा नं १५ कलंकीसम्म राजमार्ग क्षेत्रमा ६७ क्यामरा जडान भएका छन्। उक्त क्यामराको निरीक्षण महानगरीय प्रहरी कार्यालय रानीपोखरीले गर्ने नगरप्रुमख घनश्याम गिरीले बताए।
तस्वीरहरू:
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%281%29.jpg)
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%282%29.jpg)
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%283%29.jpg)
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%284%29.jpg)
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%285%29.jpg)
![](https://www.himalkhabar.com/uploads/editor/Photo-Feature/Nagdhunga%20camera%20cc/cc%20camera%20handover%20%288%29.jpg)