खेलकुद शनिबार, पुस २६, २०७६

उपाधिका लागि न्यू डायमण्ड र एपीएफ भिड्ने

हिमालखबर

उपाधिका लागि न्यू डायमण्ड र एपीएफ भिड्ने

तेस्रो संस्करणको होङ्ग्वाञ्जी न्यू डायमण्ड खुला राष्ट्रिय महिला भलिबलमा उपाधिका लागि आयोजक न्यू डायमण्ड र विभागीय टीम एपीएफ भिड्ने भएको छ ।

नयाँ बसपार्कस्थित ढोरपाटन क्लबको खेल मैदानमा शनिबार सकिएको सेमिफाइन खेलबाट न्यू डायमण्ड र एपीएफ विजेता बन्दै उपाधि भिडन्त पक्का गरेका हुन् । दोस्रो सेमिफाइनलमा न्यू डायमण्डले त्रिभुवन आर्मीलाई सोझो सेटमा पराजित गर्दै फाइनल यात्रा तय गरेको हो ।

न्यू डायमण्डले २५–१७, २५–१६ र २५–११ को सोझो सेटमा आर्मीलाई पराजित गरेको छ । पहिलो सेटमा एपीएफले अर्को विभागीय टीम नेपाल प्रहरीलाई पनि सोझो सेटमै पराजित गरेको थियो ।

प्रतिकृया दिनुहोस