सभापतिमा देउवाले बढाए मतान्तर
नेपाली कांग्रेसको सभापतिमा शेरबहादुर देउवाले मतान्तर बढाउँदै लगेका छन्।
कांग्रेस केन्द्रीय निर्वाचन समितिका अनुसार, ७०० मतगणना हुँदा देउवाले ४०९ मत प्राप्त गरेका छन्।
त्यस्तै, सभापतिका अर्का प्रत्याशी डा. शेखर कोइरालाले २१४ मत पाएका छन्।
काठमाडौंको राष्ट्रिय सभागृहमा राति सवा ११ बजेदेखि मतगणना शुरू भएको हो। मंगलबार अपराह्न साढे ३ बजेबाट शुरू भएको मतदान राति साढे ९ बजेसम्म चलेको थियो।
कांग्रेस केन्द्रीय निर्वाचन समितिका अनुसार, ४७४३ मतदातामध्ये ४५६४ जनाले मतदान गरेका छन्। सभापतिमा निर्वाचित हुन ५० प्रतिशतभन्दा बढी मत पाउनुपर्छ।