समाचार आइतबार, कात्तिक ३, २०७६

आलमलाई थप पाँच दिन हिरासतमै राख्न अदालतको अनुमति

हिमालखबर

रौतहट नरसंहारको अभियोगमा पक्राउ परेका मोहमम्मद आफताव आलमलाई थप पाँच दिन हिरासतमै राखेर अनुसन्धान गर्न जिल्ला अदालत रौतहटले अनुमति दिएको छ ।

आलम माथि अनुसन्धान नसकिएको भन्दै प्रहरीले एक साताको म्याद थप माग गरेको थियो ।

२६ असोजमा पक्राउ परेका आलमलाई सात दिन हिरासतमा राखेर अनुसन्धान गर्न अदालतले अनुमति दिएको थियो । २७ चैत २०६४ मा बम बिस्फोटमा परी मृत्यु भएका र घाइतेहरुलाई ईटाभट्टाको आगोमा हालेर हत्या गरेको आलममाथि आरोप लागेको छ ।

तर, नरसंहारकै आरोप लागेका आलममाथि १२ वर्षसम्म अनुसन्धान हुन सकेको थिएन ।

प्रतिकृया दिनुहोस