९९८ जना विभूषित हुँदै‚ सुशील कोइरालालाई नेपाल रत्न (सूची सहित)
संविधान दिवसको अवसरमा राष्ट्रपति विद्यादेवी भण्डारीले ९९८ जनालाई विभिन्न मानपदवी, अलङ्कार र पदकबाट विभूषित गर्ने घोषणा गरेकी छन्।
२०७९ भदौ ३१ गतेको मन्त्रिपरिषद्को बैठकको निर्णय र सिफारिशमा विभूषण प्राप्त गर्नेको नाम घोषणा गरिएको हो। पूर्व प्रधानमन्त्री सुशील कोइरालालाई मरणोपरान्त नेपाल रत्न प्रदान गर्ने घोषणा गरिएको छ।
मानपदवीतर्फ नेपाल रत्न एक, राष्ट्र गौरव तीन, सुप्रसिद्ध प्रबल जनसेवाश्री एक, प्रसिद्ध प्रबल जनसेवाश्री १४, सुकीर्तिमय राष्ट्रदीप १७, सुप्रबल जनसेवाश्री १६५, कीर्तिमय राष्ट्रदीप ६, प्रबल जनसेवाश्री ३२२, राष्ट्रदीप दुई, जनसेवाश्री २०७ जनालाई प्रदान गरिने गृह मन्त्रालयले जनाएको छ।
यस्तै‚ अलङ्कारतर्फ राष्ट्र यशोवर्द्धक १०, परम पौरख भास्कर दुई, नेपाल प्रताप सुभूषण ३८, नेपाल सेवा प्रवीण २३, अतिपौरख भास्कर आठ, नेपाल प्रताप आभूषण १९, समाजसेवा रत्न ३८, महापौरख भास्कर १८ र नेपाल प्रताप भूषण २३ जनालाई प्रदान गरिनेछ।
पदकतर्फ राष्ट्रसेवा पदक प्रथम श्रेणी ६, शिक्षाज्योति पदक १८, सगरमाथा पदक १३, सुकीर्ति पदक १२, वीरता पदक आठ, सौर्य पदक एक, प्राकृतिक प्रकोप पीडितोद्धार पदक सात, विकास रत्न पदक १६ जनालाई दिने घोषणा गरिएको छ।
विभूषित हुनेहरूको नामावली गृह मन्त्रालयले सार्वजनिक गरेको छ।