ताराबाजी लैलै बौद्धिक कनकमणि दीक्षित जनआकांक्षासँग मेल नखाने अभियानले प्रदेश–२ लाई नराम्ररी अल्मलायो मात्र ।आखिर एकैचोटि नभई, पहिलोमा नपरी, दोस्रोमा पनि अपहेलित भई, २ असोज तेस्रो चरणको चुनावद्वारा प्रदेश–२ लाई जनप्रतिनिधि चुन्ने मेसो मिल्यो। र प्रदेश–२ का जनता अन्यत्रका सरह हुन पुगे। र, स्थानीय निर्वाचनमा ७७ प्रतिशत मत खसाउँदै मनको कुरा खोले। अझै खाडी र मलेशिया पुगेका मतदाता युवा घरमै हुँदा हुन् त ८२–८५ प्रतिशत उपस्थिति हुने अवस्था रहेछ।