खेलकुद सोमबार, माघ २०, २०७६

नेपाली राष्ट्रिय क्रिकेट टिमका प्रशिक्षक पटवालद्वारा पाँच महिनाअघि नै राजीनामा

हिमालखबर

नेपाली राष्ट्रिय क्रिकेट टिमका प्रशिक्षक पटवालद्वारा पाँच महिनाअघि नै राजीनामा

नेपाली राष्ट्रिय क्रिकेट टिमका प्रशिक्षक उमेश पटवालले सम्झौता भएभन्दा पाँच महिनाअघि नै पदबाट राजीनामा दिएका छन् ।

उनले आगामी बुधबारदेखि कीर्तिपुरस्थित त्रिवि मैदानमा हुने नेपाल, अमेरिका र ओमानबीचको त्रिकोणात्मक सिरिजपछि लागु हुने गरी अन्तर्राष्ट्रिय क्रिकेट संघ (आइसिसी) समक्ष पदबाट राजीनामा दिएका हुन् ।

पटवाललाई अन्तर्राष्ट्रिय क्रिकेट संघ (आइसिसी) ले नै नेपाली टिमको प्रशिक्षकमा नियुक्त गरेको थियो । सम्झौताअनुसार पटवालले मासिक ७ हजार डलर तलबमा २०१९ जुन देखि १० जुन २०२० सम्म नेपाली टिम हेर्नुपर्ने थियो ।

स्रोतका अनुसार यो तलबमा कर लाग्ने भएपछि पटवाल असन्तुष्ट भएको र लामो समयदेखि आफ्नो माग सम्बोधन नभएपछि उनले राजीनामा बुझाएका हुन् । उनले यो तलब कर बाहेकको हुनु पर्ने भन्दै आएका थिए । 

प्रतिकृया दिनुहोस