समाचारबुधबार, ६ कार्तिक , २०७६

आलम प्रकरणः बम बिस्फोट हुँदा नजिकै थिए सीडीओ र दुई एसपी

मुकेश पोखरेल

१२ वर्ष अगाडि फरहदवा नरसंहार हुँदा रौतहटका तत्कालीन प्रमुख जिल्ला अधिकारी र दुई एसपी सँगै रहेको खुलेको छ ।

२८ चैत २०६४ मा संविधानसभाको निर्वाचन हुन गइरहेकाले अघिल्लो दिन सीडीओ दुर्गा भण्डारी, नेपाल प्रहरीका एसपी लक्ष्मण न्यौपाने र सशस्त्र प्रहरीका एसपी रामकृष्ण लामा सँगै थिए ।

रौतहट–२, का उम्मेद्वार मोहम्मद आफताव आलमले बुथ कब्जा गर्ने मनसायले बम पड्काउने योजना बनाएर सीमा पारी र केही स्थानीय युवा परिचालन गरेका थिए । तर, बम बनाउँदै गर्दा प्राविधिक कारणले बिस्फोट भयो ।

बम बिस्फोट हुँदा दुई एसपी र सीडीओ घटनास्थल नजिकै रहेको खुलेको छ । भारतसँग सीमाना जोडिएका र संवेदनशील मानिएका मतदान केन्द्रको स्थलगत अध्ययन गर्न निस्किएको सुरक्षा निकायका प्रमुखहरु कुरिया बजारमा हुँदा सेख इद्रिसको घरमा बम बिस्फोट भएको थियो । कुरिया बजार र आलमको घर लगभग एक किलोमिटरको फरक पर्छ ।

रौटहट–२, मा एमाले तर्फका उम्मेद्वार शैलेन्द्र साहका अनुसार, कुरिया बजारबाट उनीहरु आलमकै घरतर्फ लागेका थिए । “मसँग सामान्य विवाद भए पछि तीनै जना आलमको घर तर्फ लागेका थिए”, साहले भने ।

साहले आफ्नो गाडी नचढी स्वतन्त्र उम्मेद्वारको गाडी चढेकाले दुई एसपी र सीडीओले आपत्ति जनाएका थिए । यसपछि एसपी न्यौपानेले साहलाई दिइएको ४ मध्ये तीन सुरक्षाकर्मी फिर्ता लगे ।

तर, साह र सुरक्षा निकायका प्रमुखहरु छुटेको पाँच मिनेट नहुँदै ६ः१५ बजेतिर बम बिस्फोट भएको थियो । यो घटनाबारे तत्कालीन सीडीओ भण्डारीले आफूलाई प्रहरीले जानकारी नदिएको बताएका थिए । उनले हिमालखबरसँग भनेका छन्, “घटना भए पनि प्रहरीले बिस्तृत बताएन तर, मैले अनुसन्धान गर्न निर्देशन दिएको थिएँ ।”

फरहदवा नरसंहारको आरोपमा आलमलाई २६ असोजमा प्रहरीले नियन्त्रणमा लिएर अनुसन्धान गरिरहेको छ । तर, आलमले घटना नै नभएको बयान दिदै आएका छन् ।

 याे पनिः

फरहदवा नरसंहारमाथिको छानबिन: दण्डहीनता अन्त्यको प्रस्थानबिन्दु

आलम प्रकरणः दर्जन बढी प्रत्यक्षदर्शीसँग सम्पर्क स्थापित

फरहदवा नरसंहारः १२ वर्ष पछि बल्ल किन पक्राउ परे आलम ?

आलमलाई थप पाँच दिन हिरासतमै राख्न अदालतको अनुमति

आलम प्रकरणः ‘घाइतेलाई जिउँदै जलाउन र प्रमाण नष्ट गर्न दुई एसपीकै संलग्नता’

आलम प्रकरणः मृतक र घाइतेहरुलाई इँटाभट्टासम्म लैजान प्रहरीकै स्कर्टिङ

अनुसन्धानका लागि आलमलाई सात दिन हिरासतमै राख्न आदेश

आलम पक्राउ विरुद्ध प्रदर्शन रोक्न कांग्रेसद्वारा कार्यकर्तालाई निर्देशन

रौतहटमा कडा सुरक्षा व्यवस्था, कांग्रेस कार्यकर्ताद्वारा प्रदर्शन

कांग्रेस सांसद मोहम्मद अफताब आलम पक्राउ

 

प्रतिकृया दिनुहोस