समाचारमंगलबार, २८ आश्विन , २०७६

अनुसन्धानका लागि आलमलाई सात दिन हिरासतमै राख्न आदेश

हिमालखबर

जिउँदै मान्छे जलाएर मारेको आरोप लागेका निलम्वित सांसद महमद आफताव आलमलाई सात दिने हिरासतमै राखेर अनुसन्धान गर्न जिल्ला अदालत रौतहटले आदेश दिएको छ ।

२६ असोजमा पक्राउ गरिएका आलमलाई थुनुवा म्याद थपका लागि आज जिल्ला अदालत लगिएको थियो । २७ चैत २०६४ मा आलमले बम बनाउने क्रममा बिस्फोट भएर मृत्यु भएका र घाइतेहरुलाई बोरामा हालेर ईटाभट्टीको आगोमा झोसेर मारेको आरोप लागेको छ ।

१२ अगाडि हत्या गरेको आरोपमा २०६५ मै किटानी जाहेरी परेको थियो । तर, प्रहरी अनुसन्धान प्रक्रिया अगाडि बढाएका थिएनन् ।

२४ असार २०७६ मा फेरि महान्यायाधिवक्ताको कार्यालयले रौतहट प्रहरीलाई यसबारे जानकारी गराउन पत्र लेखेपछि प्रहरीले रौतहट–२ बाट निर्वाचित सांसद आलमलाई नियन्त्रणमा लिएर अनुसन्धान अगाडि बढाएको छ ।

 

आलम पक्राउ विरुद्ध प्रदर्शन रोक्न कांग्रेसद्वारा कार्यकर्तालाई निर्देशन

रौतहटमा कडा सुरक्षा व्यवस्था, कांग्रेस कार्यकर्ताद्वारा प्रदर्शन

प्रतिकृया दिनुहोस