किन आन्दोलनमा छन् राहत शिक्षक? (भिडिओ)

महेश्वर आचार्य आइतबार, ७ असोज, २०८०

विद्यालय शिक्षा विधेयकको विरोध गर्दै आन्दोलनमा उत्रिएका शिक्षकसँग सरकारले सहमति गरेको भए पनि राहत शिक्षक भने त्यसलाई नमानेर प्रदर्शन गरिरहेका छन्।

नेपाल शिक्षक महासंघको नेतृत्वमा देशभरका शिक्षक असोज ३ गतेदेखि आन्दोलनमा उत्रिएका थिए। उनीहरूले प्रतिनिधि सभामा दर्ता भएको शिक्षा विधेयकको विरोध गरेका थिए।

त्यसपछि असोज ५ गते सरकारले शिक्षक महासंघसँग ६ बुँदे सहमति गरेको थियो। सहमतिसँगै महासंघले आन्दोलन स्थगित भएको घोषणा गरेको थियो।

तर, राहत शिक्षक भने त्यसमा सहमत भएका छैनन्। नेपाल राहत शिक्षक केन्द्रीय समितिको नेतृत्वमा राहत तथा पेन्सनबाट बञ्चित लगायतका शिक्षक आन्दोलनमा छन्।

सरकारले शिक्षक महासंघसँग गरेको सहमतिले आफ्ना माग सम्बोधन नगरेको उनीहरूको भनाइ छ। वर्षा राहत कोटामा पढाइरहेका उनीहरूले प्रक्रिया पुर्‍याएर स्थायी गर्नुपर्ने, राहतलाई स्थायी दरबन्दीमा परिणत गर्नुपर्ने माग गरिरहेका छन्।

प्रतिक्रिया दिनुहोस् थप प्रतिक्रिया, सल्लाह, सुझाव र सामग्री पठाउनुपरेमा पत्राचार गर्नुहोस्

© 2025 हिमालमिडिया प्रा.लि - सर्वाधिकार सुरक्षित. Site by: SoftNEP

कृपया पर्खनुहोस्! तपाईंको डाटा प्रशोधन हुँदैछ...

कृपया पर्खनुहोस्! तपाईंको डाटा प्रशोधन हुँदैछ...