रिपोर्ट सोमबार, वैशाख १५, २०७७

मनसुनमा सुधार आउन अझै चार दिन लाग्ने, काठमाडौंमा अप्रिल महिनामा अहिलेसम्मकै धेरै वर्षा

मुकेश पोखरेल

मनसुनमा सुधार आउन अझै चार  दिन लाग्ने, काठमाडौंमा अप्रिल महिनामा अहिलेसम्मकै धेरै वर्षा


गर्मी महसुश हुने तराईमा पनि यसवर्ष मध्य वैशाखसम्म विगत वर्षमा जस्तो गर्मी छैन । काठमाडौं उपत्यकामा त थन्काएका जाडोका कपडा पनि निकाल्नु परेको छ । कोरोना भाइरसको विश्वव्यापी महामारीका बीच यसवर्ष किन गर्मी भएन ? मानिसका आ-आफ्ना अड्कल छन् ।


जल तथा मौसम विज्ञान विभागको मौसम पूर्वानुमान महाशाखाका बरिष्ठ मौसमविद बरुण पौडेलका भनाईमा यस वर्ष मार्च र अप्रिल महिनामा प्रि मनसुन बढी सक्रिय भएका कारण बद्ली भएर दिनहुँ जसो बर्षा भइरहेको र त्यसले गर्मी कम भएको बताउँछन् ।


“यस वर्ष प्रि मनसुन अलि बढी नै सक्रिय भयो, त्यसैले तापक्रम वृद्धि हुन पाएको छैन, थन्काएर राखेका जाडोको कपडा पनि निकाल्नु परेको छ,” पौडेल भन्छन् । मौसममा सुधार हुन अझै ४ दिन लाग्ने उनको भनाई छ ।


प्रि मनसुनमा स्थानीय वायु सक्रिय हुन्छ । जसले गर्दा स्थान अनुसार वर्षा हुने गर्दछ । तर यसवर्ष स्थानीय वायुसंगै पश्चिमि वायु, वंगालको खाडी तथा अरब सागरबाट समेत जलवाष्पयुक्त हावा नेपाल प्रवेश गरेको छ । जसका कारण दिनहुँ जसो मौसममा बद्ली भई विभिन्न ठाउँमा चट्याग र पानी पर्ने गरेको पौडेल बताउँछन् । जल तथा मौसम विज्ञान विभागका अनुसार मार्च महिनामा काठमाडौं उपत्यकामा २५.६ मिलिमिटर बर्षा भएको छ । उपत्यकामा मार्च महिनामा सरदर ३४.२ मिलिमिटर सम्म बर्षा हुनुलाई सामान्य मानिन्छ ।


अहिलेसम्मको रेकर्ड अनुसार सन १९७८ को मार्च १२ को दिन २४ घण्टामा ३९.३ मिलिमिटर बर्षा मापन गरिएको थियो ।
काठमाडौं उपत्यकामा यस वर्ष अप्रिल महिनाको २५ तारिखसम्म ७८.९ मिलिमिटर बर्षा भएको छ । यो सन १९७८ देखि यताको पहिलो रेकर्ड हो । सन १९९१ को अप्रिल १ को दिन पछिल्लो २४ घण्टामा ७४.२ मिलिमिटर बर्षा मापन गरिएको थियो । अप्रिल महिनामा काठमाडौं उपत्यकाको सरदर बर्षा ६१ मिलिमिटर हो ।

प्रतिकृया दिनुहोस