नेपाल भ्रमण वर्ष २०२० को उद्घाटनका झलक (फाेटाे फिचर)

माेनिका देउपाला बुधबार, १६ पुस, २०७६

राष्ट्रपति विद्यादेवी भण्डारीले राजधानीकाे दशरथ रंगशालामा आयोजित एक विशेष समारोहमा नेपाल भ्रमण वर्ष २०२० को उद्घाटन गरेकी छन् ।

समारोहमा विभिन्न देशबाट आएका पर्यटनमन्त्रीहरू चीनका वाङ साओफेङ, भारतका प्रह्लाद सिंह पटेल, मेन्मारको यू ओन माउंग र जमैकाका एडमन्ड ब्राटलट समेतकाे उपस्थिति थियाे।

कार्यक्रममा प्रधानन्यायाधीश चोलेन्द्र शमशेर जबरा, राष्ट्रिय सभाका अध्यक्ष गणेशप्रसाद तिमिल्सिना लगायत उच्चपदस्थ अधिकारी उच्चपदस्थ सरकारी अधिकारी, पर्यटन व्यवसायी, संघसंस्था, कलाकारको सहभागिता थियो ।

भ्रमण वर्षको उद्घाटन गर्दै राष्ट्रपति भण्डारीले नेपालका सर्वोच्च शिखर सगरमाथा र बुद्धको जन्मस्थल लुम्बिनी संसारकै उत्कृष्ट पर्यटकीय गन्तव्य भएको बताएकी छन् ।

राष्ट्रपति भण्डारीले पर्यटनलाई नाफा आर्जन र व्यवसाय अभिवृद्धिको रुपमा मात्र नलिन पनि आग्रह गरिन् । उनले पर्यटन वर्षले बसुधैव कुटुम्बकमको आदर्श आत्मसात गर्दै विश्वमा भ्रातृत्व र शान्तिप्रतिको प्रतिवद्धता उजागर गरेको पनि बताइन्। उनले सांस्कृतिक विविधताको कारण नेपालले सबै खालका पर्यटकहरूलाई आकर्षित गर्न सक्ने बताइन्।

प्रतिक्रिया दिनुहोस् थप प्रतिक्रिया, सल्लाह, सुझाव र सामग्री पठाउनुपरेमा पत्राचार गर्नुहोस्

© 2025 हिमालमिडिया प्रा.लि - सर्वाधिकार सुरक्षित. Site by: SoftNEP

कृपया पर्खनुहोस्! तपाईंको डाटा प्रशोधन हुँदैछ...

कृपया पर्खनुहोस्! तपाईंको डाटा प्रशोधन हुँदैछ...