विश्वव्यापी काेराेनाभाइरस महामारी

५५९०३५८

हालसम्म संक्रमित

२३६६५७४

निको भएका

३४७९०७

मृत्यु हुनेको संख्या

नेपाल

६८२

जम्मा संक्रमित

११२

निको भएको

मृत्यु

अपडेटः मंगलबार, १३ जेठ २०७७ । १०ः१५ बजे बिहान | स्रोत : worldometers.info/coronavirus

काेभिड-१९
विस्तृत सामग्री

समाचार विहीबार, मंसिर १९, २०७६

स्वर्णले बिर्साएको बमबारुदको विगत

नुनुता राई

स्वर्णले बिर्साएको बमबारुदको विगत

तेह्रौ दक्षिण एसियाली खेलकुद (साग) मा नेपाल २० वर्ष पुरानो कीर्तिमान तोड्दै अगाडि बढेको छ । बिहीबार साँझसम्म ३६ स्वर्ण जितिसकेको नेपालले सन् १९९९ को आठौं सागमा ३१ स्वर्ण जितेको थियो ।

यसपटक स्वर्ण संख्या बढ्दै जाँदा स्वर्ण बिजेताहरुको पृष्ठभूमि समेत सोधीखोजी हुन थालेको छ । सोधीखोजीमा पर्ने धेरै मध्ये एक हुन्, कराँतेका स्वर्ण विजेता– अनुपमा मगर ।

अनुपमाले एसियन गेम्सकै काँस्य पदक विजेता पाकिस्तानकी नर्गिसलाई बुधबार ६–३ अंकले पराजित गरेकीले पनि अरु भन्दा बढी चर्चा भयो ।

...

माओवादीले चलाएको हिंसात्मक आन्दोलनमा सामेल उदयपुर लेखानीकी अनुपमाको स्वर्ण सफलता भने पारिवारिक जिम्मेवारी बोधबाट अगाडि बढ्यो । अनुपमा भन्छिन्, “भाइबहिनीको जिम्मेवारीले यतातिर तानिएँ र निरन्तरको संघर्षले स्वर्णले दिलायो ।”

१४ वर्ष हुँदा उनी माओवादी आन्दोलनमा होमिएकी थिइन् । उनको काम एउटा ठाउँबाट अर्को ठाउँसम्म बमबारुद पुर्या‍उने थियो । शान्ति सम्झौतापछि अनुपमा सिन्धुली शिविरमा परिन् ।

शिविरमै रहँदा अनुपमाको आमाको निधन भयो । आमा निधनपछि भाइबहिनीको जिम्मेवारी उनको काँधमा आइलाग्यो ।

केही महीनापछि सिन्धुली शिविरमा त उनी फर्किइन् । तर, त्यहाँ बस्न मनले मानेन ।

काठमाडौंमा फर्चिनरको काम गर्ने दाईसँग सल्लाह भयो । भाइबहिनीका लागि केही गर्नुपर्छ भन्ने उद्देश्यले अनुपमा काठमाडौं आइन् । “काठमाडौं त आएँ, तर के गर्ने कुनै मेसो पाइनँ”, उनी भन्छिन् ।

पुरानो चिनजानका माध्यमबाट किराँते गुरु ध्रुब मल्लको सम्पर्कमा अनुपमा पुगिन् । “ध्रुब गुरुसँग कराँते सिकेँ र स्कूलमा प्रशिक्षकको जागिर शुरु गरेँ”, अनुपमा विगत सम्झिन्छिन् ।

उनी कराँते सिक्दै र वनस्थली स्कूलमा प्रशिक्षकको जागिर खान थालिन् । सिक्ने र सिकाउने क्रम नौ वर्ष बितिसकेको छ।

यो अवधिमा अनुपमाका लागि कराँते जागिर मात्रै रहेन । उनले थुप्रै प्रतियोगितामा भाग लिइन् र पदक पनि जितिन् ।
अनुपमाले पाँचौं राष्ट्रिय खेलकुद–२०६५ मा काँस्य, सातौंमा रजत र आठौंमा स्वर्ण जितेकी थिइन् । सन् २०१४ मा एसियाली खेलकुदमा भने सहभागी मात्रै भइन् । पहिलो चरणबाट बाहिरिन् ।

अनुपमा भन्छिन्, “परिवारपछि समाज र देशको दायित्व आइलाग्यो । तर, निरन्तरको संघर्षले जिम्मेवारी पूरा गर्ने प्रयास गर्नेछु ।”

 

प्रतिकृया दिनुहोस