खेलकुद शुक्रबार, मंसिर १३, २०७६

तेह्रौं साग महिला भलिबलकाे सेमिफाइनलमा नेपाल श्रीलङ्कासँग भिड्ने

रासस

तेह्रौं साग महिला भलिबलकाे सेमिफाइनलमा नेपाल श्रीलङ्कासँग भिड्ने

तेह्रौं दक्षिण एशियाली खेलकूद प्रतियोगिता (साग) को महिला भलिबलमा नेपाल सेमिफाइनल प्रवेश गरेको छ ।
सेमिफाइनलमा नेपाल अब समूह ‘बी’को विजेता श्रीलङ्कासँग भिड्ने छ ।

शुक्रबार भएको खेलमा भारतले बङ्गलादेशलाई पराजित गरेपछि नेपाल समूह उपविजेता हुँदै सेमिफाइनलमा पुगेको हो ।

त्रिपुरेश्वरस्थित कभर्ड हलमा भएको समूह चरणको अन्तिम खेलमा बङ्गलादेश भारतसँग ३–० ले पराजित भयो । पराजयसँगै बङ्गलादेश प्रतियोगिताबाट बाहिरिएको छ ।

भारतले बङ्गलादेशलाई २५–८, २५–११ र २५–९ अङ्कले हराएको हो । बङ्गलादेश लगातार दुई खेलमा पराजित भएको छ । बङ्गलादेश यसअघि बुधबार नेपालसँग ३–० ले हारेको थियो ।

नेपालले उक्त खेल २५–९, २५–९ र २५–११ अङ्कले जितेको थियो । नेपाल दोस्रो खेलमा बिहीबार भारतसँग २५–२६, १२–२५ र १६–२५ अङ्कले हारेको थियो ।

यसैबीच शुक्रबार भएको अर्को खेलमा श्रीलङ्काले माल्दिभ्सलाई ३–० ले पराजित गरेको छ । उक्त खेलमा श्रीलङ्काले माल्दिभ्सलाई २५–१५, २५–१८ र २५–१४ अङ्कले हराएको हो ।

समूह ‘बी’मा रहेको पाकिस्तानको महिला भलिबल टोली प्रतियोगिता खेल्न नआएपछि सो समूहमा रहेका श्रीलङ्का र माल्दिभ्स सेमिफाइनल प्रवेश गरेका हुन् ।

प्रतिकृया दिनुहोस