तीनकुने पुगेका प्रसाईं समर्थक पक्राउ (तस्वीरहरू)

काठमाडौंको तीनकुने पुगेका दुर्गा प्रसाईंका समर्थकलाई प्रहरीले पक्राउ गरिरहेको छ।

प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियान, नेपालले बिहीबार बल्खुमा प्रदर्शन गरेको थियो। उनले आजदेखि तीनकुनेमा प्रदर्शन गर्ने भन्दै समर्थकलाई त्यहीं आउन आह्वान गरेका थिए।

उनको आह्वान अनुसार शुक्रबार बिहानैदेखि प्रदर्शनका लागि विभिन्न स्थानबाट प्रसाईंका समर्थक आउन थालेका हुन्। तीनकुनेमा प्रदर्शनका लागि जिल्ला प्रशासन कार्यालय, काठमाडौंबाट अनुमति नलिएकाले पक्राउ गर्न थालिएको प्रहरीले जनाएको छ। शुक्रबार बिहान दर्जनभन्दा बढी प्रसाईंका समर्थकलाई प्रहरीले पक्राउ गरिसकेको छ।

प्रदर्शनका लागि आएको भनेर शंका लागेका व्यक्तिलाई पनि प्रहरीले पक्राउ गरिरहेको छ। जसका कारण तीनकुनेमा प्रसाईंका समर्थक भेला हुन पाएका छैनन्।

prasain tinkune (1).jpg