थप समाचार मंगलबार, असार १६, २०७७

राजविराजको औद्योगिक क्षेत्रमा पानी पस्यो, २०० बिघा धानखेत पनि डुबानमा

रासस

करीब एक सातादेखि परेको अविरल वर्षाका कारण सप्तरीको गजेन्द्रनारायण सिंह औद्योगिक क्षेत्रमा पानी पसेको छ । पानीको निकास हुन नसकेका कारण लाखौँको क्षति भएकोे औद्योगिक क्षेत्रले जनाएको छ ।

औद्योगिक क्षेत्रको पूर्व र दक्षिण छेउमा पानीको बहाव थुनिएर पानी निकास नभएका कारण औद्योगिक क्षेत्र जलमग्न भएको स्थानीयवासीको भनाइ छ । औद्योगिक क्षेत्रका मिलन डेरी उद्योग, महालक्ष्मी पेन्ट इन्ड्रष्ट्रिज, कान्तिपुर प्लाष्टिक उद्योग र कोशी पोलिमर्स उद्योगलगायत सञ्चालनमा छन् ।

अविरल वर्षाले सप्तरीको दक्षिणी भेगकाको २०० बिघामा लगाइएको धान खेत पनि डुबानमा परेको छ । तिलाठी कोइलाडी गाउँपालिका अध्यक्ष सतीश सिंहले लगातारको वर्षासँगै खाँडो खोलाको बाढी पस्दा सकरपुरा, कोइलाडी, लौनिया, कोबसाईन र तिलाठीका धानखेती डुबानमा परेको बताए ।

सप्तरीमा कूल ७० हजार हेक्टर खेतीयोग्य जग्गा छ । सोमध्ये ५९ हजार २५७ हेक्टर जग्गामा धानखेती हुँदै आएको छ ।

प्रतिकृया दिनुहोस