समाचारआइतबार, १३ फाल्गुण , २०७४

बाग्लुङको बलेवा विमानस्थल चैतदेखि सञ्चालनमा आउने

हिमालखबर

बन्द भएको २६ वर्षपछि बाग्लुङ नगरपालिका–१४ स्थित बलेवा विमानस्थल सञ्चालनको तयारीमा छ ।

आउँदो चैत दोस्रो साताभित्र उडान शुरु गर्ने गरी विमानस्थलको प्राविधिक र व्यवस्थापकीय कामलाई तीव्र पारिएको छ ।

यसअघि गत पुसमा नागरिक उडड्यन प्राधिकरण, विमान कम्पनी र बाग्लुङ नगरपालिकाबीच चैतदेखि नियमित उडान शुरू गर्ने सहमति भएको थियो ।

विमानस्थलको मर्मतसम्भार, उपकरण र कर्मचारी व्यवस्थापनको जिम्मा भने प्राधिकरणले लिएको छ ।

अहिले विमानस्थलसम्म पुग्ने सडकको स्तरवृद्धिलगायत अन्य पूर्वाधार निर्माणको काम भइरहेको छ ।

बाग्लुङ सदरमुकामदेखि ८ किलोमिटरको दुरीमा रहेको विमानस्थलसम्म पुग्न तत्काललाई कालीगण्डकी करिडोरको कच्ची मार्ग प्रयोग गर्नुपर्ने भएको छ ।

विसं २०२२ मा निर्माण भएको विमानस्थल बाग्लुङ–पोखरा सडक मार्ग बनेपछि २०४८ सालमा बन्द भएको थियो । रासस

पढ्नुहोस् ।

बन्द विमानस्थललाई वर्षेनि बजेट

प्रतिकृया दिनुहोस