थप समाचार बुधबार, मंसिर ११, २०७६

तीन वर्षभित्रै आर्थिक वृद्धिदर दोब्बरः मुख्यमन्त्री पोखरेल

हिमालखबर

प्रदेश नं ५ का मुख्यमन्त्री शङ्कर पोखरेलले तीन वर्षभित्रै प्रदेशको आर्थिक वृद्धिदर दोब्बर हुने बताएका छन् ।

हापुरेमा मङ्गलबार भएको चुनावीसभालाई सम्बोधन गर्दै नेपाल कम्युनिष्ट पार्टी (नेकपा)का प्रदेश ५ का इञ्चार्ज समेत रहेका मुख्यमन्त्री पोखरेलले वर्तमान सरकारले सबैभन्दा बढी आर्थिक वृद्धिदरको लक्ष्य हासिल गरेको उल्लेख गरे ।

नेपालले पाँच वर्षपछि दक्षिण एशियालाई नै चकित पार्ने गरी आर्थिक वृद्धिदर हासिल गर्ने मुख्यमन्त्री पोखरेलले बताए ।

सरकारका गतिविधिप्रति प्रतिपक्षी दलले नकारात्मक टिप्पणी गर्न थालेको भन्दै उनले सरकारको प्रगति हेर्न तीन वर्ष कुर्न आग्रह गरे ।

जिल्लाको विकासका लागि प्रदेशसभा सदस्य स्व उत्तरकुमार वली सदैव लागिपरेको भन्दै मुख्यमन्त्री पोखरेलले भविष्य कोर्ने जिम्मेवारी अब नेकपाका उम्मेदवार विमला वलीको काँधमा आएको बताए ।

प्रतिकृया दिनुहोस