समाचार आइतबार, मंसिर १, २०७६

चितवन मेडिकल कलेज, नेशनल र नोबलमा सम्पत्ति शुद्धीकरणको छापा

हिमालखबर

सम्पत्ति शुद्धीकरण अनुसन्धान विभागले चितवन मेडिकल कलेज, नेशनल मेडिकल कलेज वीरगञ्ज र नोबल मेडिकल कलेज विराटनगर गरी आइतबार तीनवटा मेडिकल कलेजमा छापा मारेको छ ।

मेडिकल कलेजहरूले सरकारले तोकेको भन्दा धेरै शुल्क लिएको भन्दै विद्यार्थीहरू आन्दोलन गरिरहेका छन् । छापा मारिएका मेडिकल कलेजका भर्नासम्बन्धी महत्वपूर्ण कागजातहरू जफत गरिएको बताइएको छ ।

शिक्षा मन्त्रालय र राष्ट्रिय सतर्कता केन्द्रको प्रतिवेदनअनुसार विभागले मेडिकल कलेज तथा त्यसका सञ्चालकको सम्पत्ति छानविन थालेको हो ।

सरकारले पनि अतिरिक्त शुल्क फिर्ता वा समायोजन गर्न पटक पटक निर्देशन दिएको छ । तर, मेडिकल कलेजहरूले उल्टै सरकारलाई अटेर गरी धम्की दिएपछि सरकारले ठगीमा मुद्दा चलाउने तयारीसमेत गरेको छ ।

 

‘अटेर मेडिकल कलेजलाई ठगी मुद्दा लगाउँछौं, सम्बन्धन खारेज गर्छौं’ 

बढी शुल्क लिने कलेजको सम्बन्धन खारेज गर्नुपर्छ : डा. भगवान कोइराला

कसले रोक्ने बसरुद्दीन अन्सारीकाे बदमासी ?

प्रतिकृया दिनुहोस