खेलकुद बुधबार, कात्तिक २७, २०७६

एमसीसी कप्तानले देखेकाे उदाउँदो तीन नेपाली क्रिकेटर

हिमालखबर

नेपाल भ्रमण सकेर फर्किएको मेरिलिबोन क्रिकेट क्लब (एमसीसी)का कप्तान जिम्मी एडम्सले नेपाल सेतो बलको क्रिकेटमा अब्बल रहेको बताएका छन् । उनले नेपाली क्रिकेटको प्रशंसा गर्दै रातो भन्दा पनि सेतो बलमा अब्बल रहेको बताए ।

नेपालमा क्रिकेट समर्थकहरुको क्रेजबारे समेत उनले प्रशंसा गरेका छन् । “दिनहुँ चार हजार बढी दर्शक हुन्थ्यो”, उनले क्रिकइन्फोसँग भनेका छन् । नेपाल अफगानिस्तानजस्तै उदाउँदो देशका रुपमा पाएको पनि उनले प्रतिक्रिया दिएका छन् ।

कप्तान एडम्सले सन्दीप लामिछाने र पारस खड्काले नेपाली क्रिकेटको बाटो देखाउन सक्ने बताए । अबको तीन चार वर्षभित्रै नेपालका अरु क्रिकेटरले पनि अन्तर्राष्ट्रिय व्यवसायिक प्रतियोगिता खेल्न सक्ने बताए ।

“सन्दीपले खेलिसकेका छन् । पारस टी–१० बाट अगाडि बढ्दै छन् । केही वर्षभित्र तीन चार जना खेलाडी सन्दीप र पारसको लेभलमा पुग्छन्”, उनले भने ।

नेपालको उदाउँदो स्टारका रुपमा कप्तान एडम्सले रीत गौतम, लोकेश बम र खडक बोहरोको नाम लिएका छन् ।

एमसीसी सँग नेपालले टी–२०, एक दिवसीय, तीन दिवसीय र यू–१९ टीमको खेल भएको थियो । यस मध्ये एक दिवसीयमा नेपालले जिते भने बाँकी एमसीसीले ।

प्रतिकृया दिनुहोस