समाचार बुधबार, कात्तिक २७, २०७६

कालापानी समस्या प्रधानमन्त्रीको परीक्षाः नेता पौडेल

हिमालखबर

नेपाली कांग्रेसका बरिष्ठ नेता रामचन्द्र पौडेलले कालापानी अतिक्रमण विरुद्ध लड्न प्रतिपक्षको समेत साथ रहेकाले दुई तिहाइ सरकार यसपटक चुक्न नहुने बताएका छन् ।

बाराको निजगढमा आयोजित कार्यकर्ता भेटघाट कार्यक्रममा नेता पौडेलले कालापानी लगायत सीमा समस्या समाधान गर्ने सवैभन्दा उपयुक्त समय भएको बताए । उनले भने, “प्रधानमन्त्री गफ मात्रै दिन्छन् कि काम पनि गर्छन् भन्ने यस पटक देखिन्छ ।”

बरिष्ठ नेता पौडेलले कुटनैतिक पहल गरेर सीमा विवाद समाधान गर्नुपर्ने बताए । उनले उत्तरतिर पनि सीमा समस्या रहेको बताए ।

“देशको सीमा सुरक्षाका लागि हामी एक छौं । समाधानको यो उपयुक्त समय हो”, उनले भने ।

उनले कांग्रेस अब नयाँ शिराबाट चल्नुपर्ने बताए । महाधिवेशन कार्यतालिका बनाएर अगाडि बढ्नुपर्ने नेता पौडेलले बताए ।

प्रतिकृया दिनुहोस