समाचार आइतबार, कात्तिक १७, २०७६

महराको थुनछेक बहस हुँदै

हिमालखबर

संसद सचिवालयकी एक कर्मचारीलाई जबरजस्ती करणी उद्योगको आरोप लागेका निवर्तमान सभामुख कृष्णबहादुर महराको केही बेर पछि काठमाडौं जिल्लामा थुनछेक बहस हुँदैछ ।

आरोपित महरालाई अदालतमा ल्याइसके पछि बहस शुरु हुने अदालतका सूचना अधिकारी ज्ञानबहादुर कार्कीले बताए ।

जिल्ला न्यायाधीश सुदर्शनराज पाण्डेको एकल इजलासमा बहस हुनेछ । शनिबार महरासँग अदालतले बयान लिइसकेकाले आज सरकारी वकिल र महराको तर्फबाट वकिलहरुले बहस गर्नेछन् ।

सरकारी वकिलको कार्यालय काठमाडौंले अदालतमा बुझाएको अभियोगपत्रमा सबैभन्दा बलियो प्रमाण घटनास्थलबाट प्रहरीले बरामद गरेको अडियो र भिडियोलाई मानेको छ ।

जिल्ला सरकारी वकिलको कार्यालय काठमाडौंले महराविरुद्ध बिहीबार अभियोगपत्र (मुद्दा) दर्ता गराएको थियो । शुक्रबार महराको अदालती बयान भइसकेको छ ।

 

प्रतिकृया दिनुहोस