समाचार विहीबार, कात्तिक १४, २०७६

प्रहरीले गोली चलाउँदा कपिलवस्तुमा एक जनाको मृत्यु

हिमालखबर

-बिक्रम खड्का, बुटवल

स्थानीय प्रशासनले लगाएको कफ्र्यु अवज्ञा भए पछि कपिलवस्तु प्रहरीले गोली चलाउँदा एक जनाको मृत्यु भएको छ ।

प्रहरीको गोली लागेर सुरज पाण्डेको मृत्यु भएको स्थानीयले जनाएका छन् । प्रहरीले भने मृत्यु भएको पुष्टि गरे पनि गोली कसले चलाएको हो भन्ने खुलाएको छैन ।

वुधवार भएको उक्त झडपले थप उग्ररुप लिएपछि बिहीबार कफ्र्यु आदेश जारी गरेको प्रमुख जिल्ला अधिकारी गजेन्द्र वहादुर श्रेष्ठले बताए । झडपमा परी केही स्थानीय र प्रहरी समेत घाइते भएका छन् ।

प्रहरीले झडपलाई नियन्त्रण गर्न बुधवार मात्र ५० राउण्ड अश्रुग्यास प्रहार गरेको थियो । बिहान ११ बजे जिल्ला प्रशासन कार्यालयले कृष्णनगर भन्सार कार्यलयदेखि उत्तर तर्फ ७ सय मिटर, पश्चिम तर्फ ७ सय मिटर, पुर्व तर्फ ३ सय मिटरमा कफ्र्यु लगाइएको जनाएको छ ।

लक्ष्मी पुजाको मुर्ति बिसर्जनको विषयमा दुई समूह बीच विवाद बढ्दै गएपछि कृष्णनगर तनावग्रस्त बनेको छ ।

 

प्रतिकृया दिनुहोस