समाचारबुधबार, ६ कार्तिक , २०७६

आलम प्रकरणः तत्कालीन प्रहरी निरीक्षकलाई वयानका लागि बोलाइयो

हिमालखबर

राजपुर–फरहदवा वम विष्फोट प्रकरण अनुसन्धानका लागि तत्कालीन प्रहरी निरीक्षक इन्द्र सुवेदीलाई वयानका लागि बोलाइएको छ ।

सुवेदी पहिलो संविधान सभा निर्वाचनको अघिल्लो साँझ इलाका प्रहरी कार्यालय राजपुरमा खटाइएका थिए ।

सुवेदीलाई बयानका लागि जिल्ला सरकारी वकिलको कार्यालय रौतहटले पत्र काटिसकेको बुझिएको छ ।

घटनाका बेला राजपुर इप्रकामा नै रहेका सुवेदी घटनाको पहिलो प्रत्यक्षदर्शी प्रहरी अधिकृत भएकाले पनि उनलाई वयानका लागि बोलाइएको बताइएको छ।

सुवेदी अहिले काठमाडौंस्थित प्रहरी प्रधान कार्यालय, नक्सालमा डिएसपी छन् ।

घटनाको मुख्य आरोपी निलम्बित सांसद मोहम्मद आफताब आलम यतिबखेर प्रहरी हिरासतमा छन् । पोलीग्राफ परीक्षण गर्न नमानेको आलमले अनुसन्धानमा असहयोग गरेको प्रहरीको बुझाइ छ ।

रहस्यमय चाँहि के छ भने, घटनाकै रात जिल्ला प्रहरी कार्यालय, रौतहटले प्रनि सुवेदीलाई कार्यालयमा सरुवा गरेको थियो । 

प्रतिकृया दिनुहोस