कला/साहित्यशुक्रबार, १ कार्तिक , २०७६

सरोदबादक न्यौपाने भारतको महाविद्यालयमा प्रेरणादायी प्रवचन दिंदै

हिमालखबर

नेपालको पहिलो महिला सरोदबादक रुपा न्यौपानेले भारतको एक महाविद्यालयका विद्यार्थीमाझ प्रेरणादायी प्रवचन दिने भएकी छिन् ।

भारतको बनारसस्थित बसन्त महिला महाविद्यालयको निमन्त्रणामा बिहीबार बनारस गएकी सरोदबादक न्यौपानेले त्यहाँका छात्रालाई संगीत संगीत सिकाउने तथा आफ्नो संघर्ष र सफलताको कथा सुनाउने कार्यक्रम रहेको बताइन् । उनको प्रस्तुती कात्तिक ४ गते हुनेछ ।

न्यौपानेको संघर्ष र सफलताको कथाले विद्यार्थीलाई जीवनमा अगाडि बढ्न प्रेरणा मिल्ने विश्वास लिएको महाविद्यालयकी प्रिन्सिपल डा.अल्का सिंहले उनलाई निमन्त्रणा गरिएको पत्रमा उल्लेख गरेकी छिन् ।

सरोदबादक न्यौपानेले झण्डै तीन दशकदेखि नेपालका विभिन्न ठाउँमा गएर फलैंचा संगीत अभियान संचालन गर्दै आएकी छिन् भने सरोद प्रशिक्षक पनि हुन् ।

सरोदको धुनमार्फत संगीतप्रेमीलाई मनोरञ्जन प्रदान गर्नु र सरोद बाजा सबैलाई चिनाएर यसको संरक्षण गर्नु आफ्नो मुख्य उदेश्य रहेको उनले बताउने गरेकी छिन् ।

प्रतिकृया दिनुहोस