समाचारमंगलबार, २८ आश्विन , २०७६

अनुसन्धानका लागि महरालाई तीन दिन हिरासतमै राख्न अनुमति

हिमालखबर

तस्वीरः मोनिका देउपाला

हिरासतमा रहेका निवर्तमान सभामुख कृष्णबहादुर महरालाई तीन दिन अझैं हिरासतमै राखेर अनुसन्धान गर्न काठमाडौं जिल्ला अदालतले अनुमति दिएको छ ।

अदालतले म्याद थप गरेपछि महरालाई पुन: थापाथलीस्थित नर्भिक अस्पताल राखिएकाे छ । पक्राउ परेकाे  केही दिनदेखि अक्सिजनकाे मात्रा कम भएपछि महरा उक्त अस्पतालमा भर्ना भएका थिए । उनी उक्त अस्पतालकाे क्याबिनमा रही उपचाररत छन् । 

महरालाई प्रहरीले २८ असोज बिहान नर्भिक अस्पतालबाट जिल्ला अदालत काठमाडौंमा म्याद थपका उपस्थित गराएको थियो । प्रहरीले अनुसन्धानका क्रममा महराको डीएनए परिक्षण गर्ने भएको छ ।

१२ असोज राति संसद सचिवालयका एक महिला कर्मचारीले महरालाई बलात्कार प्रयासको आरोप लगाएकी थिइन् । गम्भीर आरोप लागेपछि १४ असोजमा सभामुख पदबाट राजीनामा दिएका महरालाई १९ असोजमा प्रहरीले पक्राउ थियाे ।

प्रतिकृया दिनुहोस