समाचारआइतबार, १९ आश्विन , २०७६

महरालाई पक्राउ गर्न अदालतको आदेश

हिमालखबर

सभामुख पदबाट राजीनामा दिएका कृष्णबहादुर महरालाई पक्राउ गर्न काठमाडौं जिल्ला अदालतले आदेश दिएको छ ।

संसद सचिवालयकै एक महिलाले महरालाई बलात्कार प्रयासको आरोप लगाएकी छन् । गत १२ असोजमा बलात्कारको प्रयास गरेको आरोपमा ती महिलाले शुक्रबार बानेश्वर प्रहरी वृत्तमा जाहेरी दिएकी थिइन् ।

ती महिलाको जाहेरीको आधारमा प्रहरीले अदालतको आदेश लिएको हो । अदालतले आदेश दिएसँगै अब महरालाई प्रहरी नियन्त्रणमा राखेर अनुसन्धान गर्ने बाटो खुलेको छ ।

सभामुख पदबाट राजीनामा दिए पछि प्रहरीले ती महिलाको तीनकुनेस्थित कोठाबाट केही सामग्री बरामद गरी अनुसन्धान अगाडि बढाइसकेको छ । तीनकुनेस्थित कोठाबाट रक्सीको बोतल, फुटेको चस्मा लगायत सामग्री बरामद गरेको हो ।

महराले राजीनामा दिए पनि सरकारी निवास छोडेका छैनन् । सुरक्षाकर्मी र एउटा गाडी फिर्ता गरेपनि डेरा नभेटेको भन्दै महरा सरकारी निवासमै छन् ।

 जुनसुकै बेला पक्राउ पर्न सक्छन् महरा

प्रतिकृया दिनुहोस