कला/साहित्यबिहिबार, २ आश्विन , २०७६

जिग्रीले भने– ‘सक्किगोनी’ भद्रगोलको फरक नाम मात्रै

हिमालखबर

निकै लोकप्रिय हाँस्य टेलिशृङ्खला भद्रगोलमा देखिने पात्रहरु आज (बिहीबार)बाट फरक शृङ्खलामा देखिने भएका छन् ।

नेपाल टेलिभिजनमा बिहीबार राति ८ः४५ बजे आउने हाँस्य टेलिशृङ्खला ‘सक्किगोनी’मा देखिने भएका हुन् । जेपीटी (जिग्री पाँडे टीम) ले नयाँ प्रस्तुति ‘सक्किगोनी’ ल्याउन लागेका हुन् ।

कुमार कट्टेल जिग्रीका अनुसार ‘सक्किगोनी’मा भद्रगोलमा देखिने कलाकार र विषयहरु पनि उस्तै छनोट हुनेछ । जिग्रीले हिमालखबरसँग भने, “हामीले सक्किगोनि मार्फत् केही नयाँ ल्याउन लागेका होइनौं । नाम मात्रै फरक हो ।”

उनले विषयवस्तु दर्शकको रुचि अनुसार छनोट गर्ने बताए । टेलिभिजन शो ‘सक्किगोनी’ यूट्युबमा समेत हेर्न सकिनेछ ।

प्रतिकृया दिनुहोस