समाचारबिहिबार, २ आश्विन , २०७६

शुक्रबारदेखि नेमकिपाको सातौँ महाधिवेशन

हिमालखबर

नेपाल मजदूर किसान पार्टीको सातौँ महाविधेशन शुक्रबाट शुरु हुने भएको छ ।

नेमकिपाका सचिव प्रेम सुवालले विज्ञप्ति जारी गर्दै शुक्रबार बिहान ११ बजेबाट नेमकिपाको तीन दिने महाधिवेशन शुरु हुने जानकारी दिए ।

नेमकिपाका सचिव सुवालका अनुसार भक्तपुरको च्याहमासिंह, बोडे र काठमाडौँको कोटेश्वर गरी तीन ठाउँबाट एकैसाथ बाजागाजाका साथ र्‍याली शुरु गरी भक्तपुर सल्लाघारी चौरमा नेपाल मजदूर किसान पार्टीका अध्यक्ष नारायणमान बिजुक्छेले महाधिवेशनको उद्घाटन गर्नेछन् ।

नेपाल मजदूर किसान पार्टीले देशको सार्वभौमिकता रक्षा र प्रजातन्त्रको लागि स्थापनाकालदेखि नै साम्राज्यवाद र विस्तारवादविरुद्ध सङ्घर्ष गर्दै आएको बताउँदै सचिव सुवालले नेपालको किसान आन्दोलन र भ्रष्टाचारविरोधी आन्दोलनमा पार्टीले महत्वपूर्ण भूमिका खेलेको बताए ।

यसअघि नेमकिपाको २१ २०७० मा काठमाडौँको खुल्ला मञ्चमा छैठांै महाधिवेशन गरेको थियो । पार्टी स्थापनाकालदेखि हालसम्म नारायणमान बिजुक्छे पार्टीमा अध्यक्ष चयन हुँदै आएका छन् ।

२५ सदस्यीय केन्द्रीय समिति रहेको नेमकिपामा साताै‌ महाधिवेशनले विधान संशोधनसहित विभिन्न दस्तावेज पारित गर्दै नयाँ कार्यसमिति निर्वाचित गर्ने बताइएको छ ।

प्रतिकृया दिनुहोस