खेलकुद बुधबार, भदौ २५, २०७६

ऐतिहासिक जितसहित नेपाली टीम स्वदेश फर्कदै

हिमालखबर

बलियो टीम चाइनिज ताइपेइलाई घरेलु मैदानमै पराजित गर्दै विश्वकप छनोटमा पहिलो जित निकालेको नेपाली फुटबल टीम बुधबार स्वदेश फर्कदैछ ।

कप्तान किरण लिम्बुको नेतृत्वमा रहेको टीम आज राति ९ः३५ बजे काठमाडौं अवतरण गर्नेछ । कुवेतसँग उसैको घरेलु मैदानमा ७–० को लज्जास्पद हार बेहोरेको नेपालले ताइपेइलाई भने उसकै घरेलु मैदानमा २–० ले पराजित गर्‍यो ।

नेपालका लागि दुवै गोल अञ्जन बिष्टले गरेका थिए । जितसहित नेपालले विश्वकप छनोट खेलमा तीन अंक जोडेको छ । नेपाली टीम हङकङ हुँदै नेपाल आउने तालिका तय भएको छ ।

पहिलो खेलको पराजयको पीडा भुल्नु आफू भन्दा बलियो टीमलाई नेपालले पराजित गरेको छ । फिफा र्‍याङ्किङमा ताइपेइ १२५औं स्थानमा छ भने नेपाल निकै पछाडि १६६औं स्थानमा छ ।

दोस्रो चरणको छनोट खेलमा नेपालले ताइपेइ, जोर्डन, कुवेत र अस्ट्रेलियासँग होम एण्ड अवे खेल्नुपर्नेछ ।

प्रतिकृया दिनुहोस