थप समाचारमंगलबार, १७ भाद्र , २०७६

मलाई चुप लगाउने मनसायः रोमिला थापर

हिमालखबर

विख्यात इतिहासकार रोमिला थापरले आफूलाई जवाहरलाल नेहरु विश्वविद्यालय (जेनएनू) प्रशासनले चुप लगाउने मनसायले सीभी (शैक्षिक अभिलेख एवं कार्य अनुभव) माग गरेको बताएकी छन् ।

तस्वीरः डेलीहन्ट

जेनएनयूले हालैमात्र विश्वविद्यालयकी प्रोफेसर इमेरिटस थापरको कार्यकालको समीक्षा गर्न सीभी माग गरेको थियो । विश्वविद्यालयले उनीसहित ७५ वर्ष कटेका अन्य ११ जना प्रोफेसरलाई पनि यस्तै प्रकृतिको सीभी माग गरेको जनाएको छ ।

“मेरो सीभी मागिनुको कारण आंशिक रुपमा हेर्दा व्यक्तिगत हो । जेएनयूलाई तोडन चाहने वर्तमान प्रशासन विरुद्ध हाम्रो आलोचनालाई उनीहरू बन्द गराउन चाहान्छन्”, थापरले बीबीसीसँगको इमेल उत्तरमा भनेकी छन् ।

इमेरिटस पद जीवनकालसम्म रहने र यसको कहिल्यै समीक्षा नहुने अभ्यास भएको बताउँदै थापरले भनेकी छन्, “यसपछिको गहिरो कारण भनेको आज हामी यस्तो समाज बनाउन गइरहेका छौं जो स्वतन्त्र विचारको विरुद्धमा छ । प्रश्न गर्नेको विरुद्धमा छ ।”

“हामीलाई बौद्धिक र शैक्षणिक जीवन निच देखाउन प्रोत्साहीत गर्न पनि यस्तो गरिएको हो”, थापरले भनेकी छन् ।

सन् १९७० देखि १९९१ सम्म जेनएयूमा प्राचीन भारतीय इतिहासकी प्राध्यापक रहेकी थापरलाई १९९३ मा प्रोफेसर इमेरिटस पदमा नियुक्त गरिएको थियो ।

८७ वर्षीया थापरलाई अमेरिकाको ब्राउन युनिभर्सिटी, शिकागो युनिभर्सिटीका साथै अक्सफोर्ड, एडिनबरा, कलकत्ता युनिभिर्सिटीले पनि मानार्थ विद्यावारिधी उपाधि दिइसकेका छन् ।

भारतीय इतिहासबारे दर्जनौं पुस्तककी लेखिका थापर वर्तमान भारतीय राजनीतिकी प्रखर आलोचक मानिन्छिन् ।

थापरले सरकारले दिने कुनै पुरस्कार नलिने भन्दैं दुईपटक पद्म भुषण पुरस्कार पनि अस्वीकार गरेकी थिइन् ।  -एजेन्सी

थप यो पनि: 

हिंस्रक राष्ट्रवादविरुद्ध

प्रतिकृया दिनुहोस