संसदीय सुनुवाइ समितिको सभापतिमा न्यौपाने
संसदीय सुनुवाइ समितिको सभापतिमा ईश्वरीदेवी न्यौपाने निर्विरोध निर्वाचित भएकी छन्।
संघीय संसद्को सुनुवाइ समितिको बिहीबार बसेको बैठकबाट न्यौपाने सभापति निर्वाचित भएकी हुन्। बैठकमा समितिका ज्येष्ठ सदस्य पशुपतिशमशेर जबराले सभापतिका लागि एक मात्र उम्मेदवार न्यौपाने निर्विरोध निर्वाचित भएको घोषणा गरेका छन्।
नवनिर्वाचित सभापति न्यौपानेलाई ज्येष्ठ सदस्य जबराले बधाई तथा शुभकामना दिए। न्यौपाने नेपाली कांग्रेसकी सांसद हुन्।
-1728374020.jpg)
