माल्दिभ्समाथि नेपालको प्रभावशाली जित, सेमिफाइनलमा इरानसँग प्रतिस्पर्धा
काभा नेशन्स वुमन्स लिगमा नेपालले माल्दिभ्सलाई पराजित गरेको छ।
सोमबार काठमाडौंमा भएको समूह चरणको अन्तिम खेलमा नेपालले माल्दिभ्सलाई सोझो सेटमा पराजित गरेको हो। नेपालले पहिलो सेट २५-८, दोस्रो २५-१९ र तेस्रो सेट २५-१८ अंकले जितेको छ।
यो जितसँगै नेपालको सेमिफाइनल भेट इरानसँग हुने भएको छ। मंगलबार अपराह्न ३ बजे भारत र श्रीलंकाबीच तथा साँझ ५ः१५ मा नेपाल र इरानबीच सेमिफाइनलका खेल हुनेछन्।
समूह चरणको पहिलो खेलमा श्रीलंका र दोस्रो खेलमा भारतलाई पराजित गरेको नेपालले इरानसँग भने हार बेहोरेको थियो।
-1725690060.jpg)
